KALAALLIT INUUSUTTUT MARLUK AVANNAAMIOQATIGIIT NAAPEQATIGIINNERANNUT PEQATAAPPUT

Inuusuttut 50-it Nunanit Avannarlerneersut oktoberimi Københavnimi Inuusuttut sungiusarnerannut peqataapput, matumani nunat assigiinngitsut akornanni suliniutinik ataatsimut ineriartortitsisimallutik. Taakku akornanni kalaallit inuusuttut marluk, Karen Olsen-Lyberth (Sorlak) aamma Nina Tittusen (Sukorseq) peqataapput.

Dansk Ungdoms Fællesrådi (DUF) suliniummik "Nunani Avannarlerni Inuusuttut Piujuartitsineq Tunngavigalugu Ataatsimooqatigiit" (Nordens Unge i Bæredygtige Fællesskaber) Danmarkimi Meeqqanut Ilinniartitsisarnermullu Ministereqarfik peqatigalugu ingerlatsisuupput. Nunani avannarlerni inuusuttut akornanni atassuteqarluarnissamik piujuartitsinerlu tunngavigalugu ataatsimooqatigiinnik pilersitsinissaq suliniummi siunertaavoq. Inuusuttut sungiusarnerat ornigulluni naapeqatigiinneruvoq, matumani inuusuttut naapillutik suliniutinut isumassarsianik ataatsimut ineriartortitsisimallutik.

Suliniutini tamani nammineq kajumissutsimik sulinissaq, FN-ip Nunarsuarmi Anguniagaannik ataatsimik arlalinnilluunniit ilanngullugit suliaqarnissaat, inuusuttullu suliniutip ineriartortinnissaanut naammassinissaanullu namminneq akisussaaffeqarnissaat tunngaviupput.

Najoqqutaq: Nuuk Ugeavis, 27. oktober 2021