Naalagaaffiup Sinniisoqarfia nunatsinni anguniagai

Nunatsinni Naalagaafiup Sinniisoqarfia FN-ip Nunarsuarmi Anguniakkanut 2023-mut iliuusissamik pilersaarusiamik saqqumersipput.

Naalagaaffiup piujuartitsinissamik ineriartortitsinissaq qitiutinneqarnera qaammarsarlugu, nukissiuutissaasuaneq silap allanngoriartorneralu eqeersimaffigalugillu, Kalaallit Nunaanni Naalagaafiup Sinniissoqarfia anguniakkavut siuarsarnissaannut suliniutiginiarlugit aalajangerpaa. Suliniutiginiarneqartut tassaaput anguniakkat pingaartitarineqartut Anguniagaq 12 (akisussaassuseqartumik atuineq tunisassiornerlu) aamma Anguniagaq 13 (silap pissusia suliniuteqarfigalugu).

Tamakkua saniatigut Sinniisoqarfiup Naalakkersuisut anguniagai takorluugaallu atuutsilersinnissaanut pingaarutilimmik tapersersueqataasaaq, nalunaarusiami “Nunarsuatta Piujuarnartussamik Ineriartornissamut Anguniagaanik Nalunaarsuineq” allaaserisat malillugit.

Kalaallit Nunaanni FN-ip SDG 2030 agenda nalunaarusiaq pillugu uani atuarit.

Anguniagaq 12 atassutigalugu Sinniisoqarfik akisussaassuseqartumik atuineq tunisassiornerlu siuarsarnissaa suliniutiginiarpaa. Eqqagassat isumagineqarnerannut, eqqagassallu annikillineqarnissaanullu aamma atoqqiinermut sulissutigineqassapput. Sinniisoqarfiup iliuusissamik pilersaarutaanni anguniakkanut iliuusissanik arlaqarpoq. Siullermik pilersaarutaavoq pisiniarnermi allannguinissaq, nioqqutit atoqqiinermik ineriikkat nioqqutinillu atoqqissinnaasunillu pilersornissaq salliutinneqartassasoq. Tullertigut anguniagaavoq allaffimmi atortussarsianik assingusunillu atuineq annikillisarnissaa. Malittaraa ataavartumik innuttaasunut eqqagassat annertussusaat pillugit ilisimatitsisarneq aallunneqassasoq, ukiullu tamaasa eqqagassanik katsersuititsinermi, Saligaatsumik ilisimaneqartumik peqataaffigisaralugu. Akimmik iliuusissatut puiaasanik utertitsisarnissamut aaqqissuussaliortoqassaaq. Tamanna pillugu kingulliuvoq siunissaq ungasinnerusoq eqqarsaatigalugu, iliuusissamik pilersaarusiaq atuutilersinnissaalu suliarinissaa, ukioq 2023 kingornagut atuutussamik.

Silap pissusiani unammillernartunut suliniutit pillugit pingaartinneqarneruvoq sulisut angalasarnerat tulluarsarnissai annikillisarnissaalu. Silap pissusia allanngoriartornerannut nukimmik atuinermik tunngasunik iliuusissanik pilersaarutinik arlaqarpoq, tassunga atorfillit biilii mingutitsinngitsunik taarserneqassapput aammalu timmisartumik angalaneq pisariaqarnera annikillisarneqassapput. Tamanna pillugu allannguinerit pilersaarutaasut tassaaput nukimik atuikinnerusumik qullilersuineq, sinniissoqarfimmi akisussaassuteqartumik nukimik atuinermik ilisimatitsiissuteqarnissaq aallartinneqassaaq, Sinniisoqarfiup illorsuaa kissarneqarneralu misissorneqassapput, ulluinnarni innallagiamik kissarnermillu atuineq annikillisinnaanissaanut siunertaralugu. Kingullertigullu siunissaq ungasinnerusoq najoqqutaralugu, ukioq 2023 kingornagut atuutussamik iliuusissamik pilersaarusiaq suliarineqassaaq.

Nunatsinni Naalagaafiup Sinniisoqarfia FN-ip Nunarsuarmi Anguniakkanut iliuusissamik pilersaarusiaa pillugu uani atuarit.