UNLEASH nunarsuup immikkoortuani nutarsaanermik aaqqissuussamik Kalaallit Nunaannik ingerlatsivoq

UNLEASH nunarsuup immikkoortuani nutarsaanermik aaqqissuussinertik siulleq ulluni 20.–27. august 2022 Nuummi ingerlatissavaat. UNLEASH Kalaallit Nunaat FN-ip Nunarsuarmioqatigiinnut anguniagassarititaat aallullugit Issittumi-Nunani avannarlerni nunarsuup immikkoortuani inuusuttunut 200-nut nutarsaanermik aaqqissuussineruvoq. Taakkunannga 40-50 Kalaallit Nunatsinneersuunissaat naatsorsuutigineqarpoq. Inuusuttut 18-35-nut ukiullit saaffigineqarput.

UNLEASH suliniaqatigiiffiuvoq iluanaarniarfiunngitsoq, inuusuttunik katersititsilluni FN-ip piujuartitsisumik ineriartortitsinermut nunarsuarmioqatigiinnut anguniagassarititaanut isumassarsianik aaqqiissutinillu ineriartortitsiviusoq.

UNLEASH suliniaqatigiiffiuvoq iluanaarniarfiunngitsoq, inuusuttunik katersititsilluni FN-ip piujuartitsisumik ineriartortitsinermut nunarsuarmioqatigiinnut anguniagassarititaanut isumassarsianik aaqqiissutinillu ineriartortitsiviusoq. Isumassarsianik katersinissaq, attaveqateqalernissaq Kalaallillu nunaannut issittumullu nunanilu avannarlernut naapertuuttunik piujuartitsisunik aaqqissussiornissaq nunarsuup immikkoortuani nutarsaanermik aaqqissuussinermi siunertaavoq.

UNLEASH siusinnerusukkut Kinami, Singaporemi Danmarkimilu nutarsaanermik aaqqissuussanik ingerlatsivoq. Kalaallit Nunaanni nutarsaanermik aaqqissuussaq aningaasaateqarfinnit, naalagaaffiup suliffeqarfiutaanik suliffeqarfinnillu tapiissuteqarfigineqarluni aningaasalersorneqarpoq.

Nutarsaaneq pillugu aaqqissuussamut Aningaasaqarnermut, Aatsitassanut, Inatsisit atuutsinnerannut Naligiissataanermullu Naalakkersuisoq Naaja H. Nathanielsen ima oqaaseqarpoq: ” Nunarsuaq tamakkerlugu inuusuttut akornanni piujuartitsisunik ineriartortitsinermut akuuneq annertusiartorpoq, ilaatigut aamma inuusuttut kalaallit akornanni. UNLEASH nutarsaanermik aaqqissuussap inuusuttortavut naapeqatigiiffimmik inuusuttut nunarsuup sinneraneersut peqatigalugit isumassarsiffigalugulu allanik isumassarsisitsisinnaanissaat neriuutigaarput.”

Inuusuttut akulerutsillugit piujuartitsisunik nutaaliortunillu aaqqissusiornissat aallunneqarnissaat aaqqissuussinerup siunertaraa. Naaja H. Nathanielsen itisisiliilluni ima oqaaseqarpoq: ” Nunarsuaq piujuartitsinerusoq naligiinnerusorlu pilersissagutsigu, periutsit ilisimaneqareersut isumassarsiallu aaqqissutillu nutaat pinngitsoorsinnaanngilagut. Taakku amerlasuut kinguaariinni inuusunnerusuneersuunissaat ilimagisariaqarparput. Nutarsaanermik aaqqissuussinerup kalaallit inuusuttaannut inuiaqatigiinnullu kalaallinut iluaqutaasumik ataavartunik pilersitsiviullunilu angusaqarfiunissaa neriuutigaarput."

Peqatigisat

UNLEASH-p Kalaallit Nunaanni nutarsaanermik aaqqissuussinera kalaallit nunanilu tamalaani suleqatit tulliuttut tapiissuteqarnerisigut piviusunngortinneqarpoq:

Air Greenland, Brugseni, Grønlands Selvstyre, Grønlandsbanken, Kommuneqarfik Sermersooq, Permagreen Grønland A/S, Royal Greenland, Aage V. Jensens Fonde, Bikubenfonden, Nordens Institut i Grønland, Nordic Innovation, Nordisk Atlantsamarbejde, Oak Foundation Denmark, Porticus aamma WWF.

Pilersaarut pillugu annertunerusumik paasisaqarnerujumallutit press@unleash.org attavigiuk imaluunniit nittartakkami qupperneq www.unleash.org/Greenland alakkaruk.

UNLEASH

UNLEASH nunarsuaq tamakkerlugu suliniutaavoq inuusuttunik katersilluni takku isumassarsiaminnik paarlaateqatigiittarneranik, attaveqaateqalertarnerannik FN-llu Nunarsuarmioqatigiinnut anguniagassarititaanik nutaaliortunik annertussusilerneqarsinnaasunillu aaqqissussiorfiusoq.

UNLEASH-p inuusuttut tunniusimasut nukittorsarlutigillu ataatsimoortilerlugit immikkoortut akimorlugit nunarsuarmut piujuartitsisumut aaqqiissutinik pilersitsillunilu  ineriartortitsinermik suleqateqalersinnissaat anguniagaraa. FN-p Nunarsuarmioqatigiinnut anguniagassarititaat pillugu oqalliffinni siuttunngornissaq takorluugaavoq, taannalu nunarsuarmi inuusuttunit suleqatigiittunik nutarsaasunillu aqunneqassaaq.

UNLEASH ukiut tamaasa inuusuttunik nunarsuarmi piffinnit tamaneersunik naapititsilluni eqqarsaqatigiiffinnik aaqqissuussisarpoq, aaqqissutillu pitsaanerpaanik pilertornerusumik atuutilersitsisarluni. Kalaallit Nunaanni Nuummi nutarsaanermik aaqqissuussinermut tapiliullugu UNLEASH 2022-p naanerani Indiami nunarsuaq tamakkerlugu nutarsaanermik aaqqissuussinermik ingerlatsissaaq. Www.unleash.org/ paasisaqarnerugit