Sermitsiaq.AG-mi avatangiisit pillugit sammisaqarneq
Tusagassiorfik Sermitsiaq.AG avatangiisit piujuaannartitsinerlu pillugit samminnittumik aviisimik saqqummersitsilerpoq
Aviisip imarai paasissutissiissutit aamma avatangiisit pillugit ilisimasat, aamma piujuaannartitsineq soorlu makku pillugit.
- IA-p Naleraq-llu naalakkersuisoqatigiilernerminni isumaqatigiissut
- Nuna tamakkerlugu saliinermik ullorititaq Saligaatsoq
- Piujuaannartitsineq pillugu suliffeqarfippassuit kommunerpassuillu iliuuseqarnerat sulinerallu
- Atuarsinnaasatit: namminermi kaaviiaartumik aningaasaqarneq piniutinillu atueqqittarneq, biilinik innaallagissatortunik atuineq, naalakkersuinermi suliaqarnermi CSR-mik tunngaveqarnermik aamma CSR atorlugu nalunaarusiaqartarnermik pilersitsineq, ineriartornermut immikkoortitat piujuaannartitsinermik tunngavillit, igitanik ikuallaaviit nutaat aamma ”Nunarsuarmi piujuaannartussamik ineriartornissamut Naalagaaffiit Peqatigiit anguniagaat” aqqutigalugit piujuaannartitsinermik ataatsimoortumik paasisimasaqalersitsisarnera aamma piujuaannartitsineq ajornannginnerusumik piviusunngortissinnaanera
Aningaasaqarnermut Nunamullu Namminermut Naalakkersuisoq ”Nunarsuarmi piujuaannartussamik ineriartornissamut Naalagaaffiit Peqatigiit anguniagaat” suliai pillugit oqaluttuarpoq aamma Silarsuarmut tamarmut anngunniakkat pillugit nassuiaaqqissaatit februar 2021-imi saqqummersoq, oqarporlu:
“Suliap oqallisigineqaqqinnissaanik pitsaasumik tunngaviliivoq, tassa ”Nunarsuarmi piujuaannartussamik ineriartornissamut Naalagaaffiit Peqatigiit anguniagaat” nunatta inuiaqatigiivinut qanoq siammaanneqarnissaanut ineriartortinnissaanullu. ”Nunarsuarmi piujuaannartussamik ineriartornissamut Naalagaaffiit Peqatigiit anguniagaat” sulissutiginissaat nunatsinnilu inuiaqatigiinnut suliniutitut ikkunnissaat Naalakkersuisut nangeqqikkusuppaat. […] Suliniutit tamakku Naalakkersuisunut ilisinartaatitut ilaalluinnarput."