Kalaallit Nunaanni Brugsenimi piujuartitsisumi pappiaqqat aamma digitalimik aaqqissuussat
Brugsenip neqeroorutai ullut tamaasa Kalaallit Nunaanni inunnit 1000-nit amerlanerusunit atuarneqartarput. Taamaattumik pingaarsoraarput avatangiisimut minnerpaamik artukkiinissaat pingaaruteqartoq.
Tunisassianik suliffeqarfittut niuernikkut ussassaarutit qanitat napparinnitta ilagaat. 2019-imi nereroorutit illoqatigiinnut agguarneqarsimasut 994.100-pput, 94.500-nik ukiup siulianut naleqqiullugit amerlanerusimallutik. Qaffariaat taanna Ilulissani nutaamik pisiniarfittaamik ammaanerup kingorna pinngorpoq. Taamaammat kissaatigaarput sapaatip akunneranut naqitertittakkavut pisarialimmik avatangiisinut pitsaasumik tunisassiornermi ilisarnaateqartassasut.
Pisiniarfitsinni neqeroorutigut taamaammat Svanemærket-mik kiisalu Ecolabel aamma FSC-ilisarnaataanik peqartarput, taakku pappiaqqanit tunisassiat akisussaasumeersuuneri qulakkeerneqarlutik, taakku nunani avannarlerni aamma europami avatangiisinut akisussaassusermik malittarisassani piumasaqaatit malimmatikkit.
Taakku saniatigut 2018-imiilli nutaanik pappiarartaqanngitsunik suliniutinik atuilersimavugut, ilaatigut Brugsenip nittartagaa niuernikkut, neqeroornikkut aamma attaveqaqatigiinnikkut nutaarluinnarnik periarfissiisoq. Brugsenip nittartagaa maannamut 60%-it sinnerlugit ilaasortanit atorneqalersimavoq, taamaalilluni tamanit digitalikkut neqeroorutit kiisalu ilaasortanut neqeroorutinut allanut, ilaasortaanermut iluaqutit aamma digitalikkut akiliisinnaanerit periarfissanngorsimallutik.
Digitalikkut pappiarartaqanngitsumik aaqqiinerit aqqutigalugit kissaatigaarput atuisuvut sunnissallugit, taamaalilluta siunissami annerusumik digitalikkut neqeroorutit pingaarnertut ingerlassinnaallugit. 2019-ip ingerlanerani malugisimavarput qaffakkiartortumik ilaasortatsinnit sammisamik soqutigisaqaleriartorsimaneri, aamma taamaammat suliniutitta ilagissavaat suli ukiuni aggersuni sammisamik ineriartortitsinissaq. Sapaatip akunneranut aviisit 20.000-it illoqarfinni tamani illoqatitiinnut agguarneqartartut naqiterneqartarput, Brugseni tassani peqataavoq.
Nuummi eqqaanilu innuttaasut Brugsenimit ussassaarutinik pisartut 2019-imi agguaqatigiissillugit quppernernik 1320-nik ukiumut pisimapput. Atuisumik ataatsimik pinerit tamaasa digitalimik aaqqiissummik nuutsitsineq aamma ”Ussassaarummut qujaannarpunga”-mik allakkanik nakkartitsivimmut ikkussineq, ussassaarutinik naqiterititsinermut sipaarutissanik ilippanartitsissaaq, taakku naligalugit ukiumut Nuummi illusimasoqatigiit ataatsit oqarasuaatinut allattorsimaffinnut tallimanut naleqartut.
Attaveqaqatigiinnermi aamma niueqatigiinnermi pisortaq, Benny Otte