Kalaallit Nunaanni uumassusillit assigiinngisitaarnerannut periusissaq siulleq
Suliniummi matumani kalaallit pinngortitamik isiginneriaasiat Naalakkersuisunit pingaartinneqarpoq
Nunarsuarmi uumasut assigiinngitsut pissusissamisoortumiit sukkanerujussuarmik nunguttarput. Taamaattumik Naalakkersuisut uumassusillit assigiinngisitaarnerannut periusissamik siullermik akuersipput. Nunami uumassusillit assigiinngisitaartuunerannik pinngortitallu pissarititaanik 2030-p tungaanut piujuartitsisumik aqutsinissamut killissarititat periusissiatigut inissinneqassallutik.
”Naalakkersuisut Kalaallit Nunaata uumassusillit assigiinngisitaartuunerannut siullermeertumik periusissiaa akueraat. Nunatsinni uumassusillit assigiinngisitaartuunerannik pinngortitallu pissarititaanik piujuartitsisumik aqutsinissamut tunngaviliinissamut sinaakkusiinissaq Naalakkersuisunit pingaartinneqartorujussuuvoq", taama Nunalerinermut, Imminut Pilersornermut, Nukissiutinut Avatangiisinullu Naalakkersuisoq, Kalistat Lund "Kalaallit Nunaata Uumasut assigiinngisitaartuunerannut periusissaa 2030"-p saqqummiunneqarneranut atatillugu oqarpoq.
Kalaallit Nunaata Uumassusillit assigiinngisitaartuunerannut periusissiaa 2030 uani atuarneqarsinnaavoq.