Mind Your Own Business – suliffeqarfeeqqanik pilersitsinermi nunarsuarmi anguniakkat ilaapput
Mind Your Own Business Kalaallit Nunaanni Danmarkimilu nukappiaqqanut inuusuttunut 13-it 21-illu akornanni ukiulinnut ineriartortitsinernut neqerooruteqarpoq. Inuinnaat akornanni nammineq kajumissutsimik siuttulinnit aamma inuussutissarsiornermut suleqatinik suleqateqarnermit, nukappiaqqat namminneq suliffeqarfeeraliornissaannik aaqqissuussamit periarfissinneqartarput. Sulinermi nukappiaqqat ilinniarnerminnik aamma inooqataasinnaanerminnik piginnaasatik pitsanngorsartarpaat aamma ilinniarfinnut aaqqissuussanut suliffeqarfinnullu attaveqaataat nukittunerulertarlutik.
Nuummi inuussutissarsiortunit pitsaasumik tapersersorneqarneq: Aallartisaanerup qitiutinneqarneranit nukappiaqqat inuusuttut ukkataqarluni qaammatini arfineq pingasuni sunneeqataanermik akisussaaqataanermillu neqeroorfigineqartarput, tassani namminneq suliffeqarfimmik, nammineq tunisassiornermik kiissalu siammarterinermik tunisinermillu pilersitsineq ilinniartassavaat. Niueqatigiinnermut piginnaasaat misiligarneqartarpoq, niueqatigiinnermi piginnaasat pingaarnerit pigilersarpaat, aamma unammillersinneqartarput kajumissaarneqarlutillu akisussaaffimmik tigusinissamik aamma anguniakkanik inernileeqquneqarlutik.
2010-ili Mind Your Own Business nukappiaqqat 608-t suliffeqarfeeqqanut 67-inut peqataatissimavaat.
Januaari 2019-imi Mind Your Own Business Nuummi allaffik ammarsimavaat. Maannamut nukappiaqqat inuusuttut 18-it nuummeersut suliffeqarfeeqqanik pilersitsisimapput, ilaallutik aqqusinermi nerisarfeeqqat, kalaallisut ilisarnaatilinnik atisat aamma illoqarfimmi ataatsimuussutsimik nukittorsaanissamut arpatsitsineq.
Mind Your Own Business-ip misigisimavaa nuummi pitsaasumik inuussutissarsiortunit aamma inuinnarnit tapersersorneqarneq aamma pingajussaanik ingerlasumik maannakkut nuummi suliffeqarfeeqqanik nutaanik marlunnik aallartitsivoq.
Mind Your Own Business 2015-imi Kunngissap nuliatalu inuiaqataanermut nersortaataanik nersornaaserneqarsimapput.
Pisortaq pilersitsisorlu Maria Kavita Nielsen uani E-mail: maria.kavita@myob.dk, Telefon: +45 26 11 71 86
Kalaallit Nunaannit suliniutinik aqutsisoq Ivalu Nørreslet Rex uani E-mail: ivalu.rex@myob.dk, Telefon: 28 58 90