Silap pissusianut isertarfik silap pissusianut unammillernartunik paasissutissiisarpoq

climategreenland.gl-imi silap pissusianut naleqqussarneq pillugu paasissutissat kingulliit paasisinnaavatit.

Pinngortitamut Ilisimartusarnermullu Naalakkersuisoqarfiup iluani Pinngortitamut Silallut Pissusiata immikkoortortaqarfiani ingerlaavartumik silap pissusianut naleqqussarnermut misissuinerit ingerlanneqartarput, taakku tunngaviliisuussapput inuiaqatigiinnitsinni pitsaanerusumik silap pissusiata allanngoriartorneranut kingunissanut napasinnaanissatsinnut. Taakku saniatigut ilaatigut Issittumi Ataatsimiisitaliaq silap pissusiata allanngoriartornera pillugu naleqqussarnissamut suleqatigiissutigineqarpoq.

Ilisimasat silap pissusianut naleqqussarnermut tunngaviupput. Taamaammat pingaartinneqarpoq Kalaallit Nunaanni silap pissusiata allanngoriartorneranut ilisimasat pitsaasut paasissutissiissutiginissaat. Silap pissusiata allanngoriartornera aamma silap pissusianut naleqqussarneq pillugit paasissutissat amerlanerit nassaarisinnaavatit uani nittartagaq climategreenland.gl.

Ilisimatusarnermut Avatangiisinullu Naalakkersuisoqarfik uani e-mail: pan@nanoq.gl.