Kalaallit Nunaat – nunarsuarmi tamanit nunami 2030-mi timersornerpaat?
Kalaallit Nunaanni Timersoqatigiit Kattuffiata takorluugaraa 2030-mi Kalaallit Nunaat nunarsuarmi timimik aalatitsinerpaassasoq.
Naak ullumikkut inuiaqatigiinni sammisaqarfinni amerlasuuni pitsaasumik ineriartoraluarluta, ajoraluartumik aammattaaq nunarsuaq tamakkerlugu arlalinnik ileqqunikkiartorpugut, kisitsisitigut amerliartortunik meeqqat inersimasullu akornanni oqimaalliartortunik aamma akuleriissillugit timersornikkut ikiliartortunik takutitsisunik. Tamanna inooriaatsip kingunerisaanik nappaatinut aamma allat kingunerannik nappaatinut aningaasartuutinik qaffakkiartortunik taamaallaat kinguneqanngilaq, kisianni timersornerup aamma sukisaarsaarnermi ataatsimoorussani illugiimmik inuit ataasiakkaat aamma inuiaqatigiit peqqissusaannut tamakkiisumik pitsaasumik sunniutit annaavagut.
Kalaallit Nunaanni Timersoqatigiit Kattuffiata nunami pitsaanerusumut allanngoriartortitsinermut takorluukkanut timersorneq aqqutigalugu pilersitsinertut isigai, tassa 2030-mi Kalaallit Nunaat nunarsuarmi timimik aalatitsinerpaassasoq.
Anguniagaavoq inuiaqatigiit inuuneq naallugu aalanissaat. Tamanna isumaqarpoq maannakkut inuup inuunerani attuumassutillit tamarmik ukkatarissagigut; meeraaqqerivinniit, meeqqerivinniit, atuarfinniit, suliffeqarfinniit, sukisaarsaarfinniit utoqqarnut. Aalanermut aamma timersorluni sammisaqarnermut, illugiimmik inuiaqatigiit ataasiakkaallu pitsaasumik inuuneqalernissaannut, soqutiginnissutsip qaffatsinnissaa pisariaqarpoq.
Kalaallit Nunaanni Timersoqatigiit Kattuffiata NP-p piujuartitsilluni ineriartornissamut nuarsuarmut anguniagaanit aamma immikkuullarissumik anguniagaq 3. Peqqissuseq atugarissaarnerlu, 4. Ilinniartitaaneq pitsaassusilik aamma 17. Suleqatigiinnikkut anguniagaqarneq isumassarsiorfigisimavaat ukkataralugu qitiusumik periuseqarnissaminnut.
Kalaallit Nunaanni Timersoqatigiit Kattuffiata ilisimalluinnarpaat inuiaqatigiit tamarmik isiginninnerat illuanut saatittariaqartoq aamma pitsaasumik allannguinissaq. Ukiut siulliit sisamat taamaammat ukkatarineqassaaq takorluugaq pillugu nuna katersussallugu; piujuartitsisumik toqqammaviliinissaq, tamatuma periarfissanngortissammagu amerlanerit timersornerulernissaat aamma amerlanerit pitsaasumik inuuneqalernissamut periarfissaqalernissaat. Maannamut pitsaasumik siuariartoqarsimavoq. 2020-p aasaanerani ilaatigut kattuffik Qeqqata Kommunia suleqatigiinnissamut isumaqatigiissusiorfigisimavaa.
Periusissiaq 2023: Nuna ataatsimoorussamik anguniagalik pillugu suli atuarsinnaavutit uani GIF-ip nittartagaani.
Kalaallit Nunaanni Timersoqatigiit Kattuffia attavissamut immersugassaq nittartagaq aqqutigalugu uani: gif.gl/forbundet/kontakt-os
