Kalaallit Nunaanni suliffeqarfiit Nunarsuarmi anguniakkanut annertuumik soqutigisaqarput
Suliffeqarfiit aaqqissuussallu 25-it sinnerlugit CSR Greenland-ip Nunarsuarmi anguniakkanik aamma piujuartitsineq pillugit sungiusartitsinerani ukiup kingulliup ingerlanerani peqataasimapput.
Suliffeqarfiit ilaannut Nunarsuarmi anguniakkat, CSR aamma Piujuartitsineq pillugit suliamik aallartitsilluarnissamut tunngasimapput, ilaannut sammisamut itinerusumik annertunerusumillu ilisimasaqarnissamut tunngasimallutik. CSR Greenland ukiup kingulliup ingerlanerani annertuumik iluatsilluartumik illugiimmik aallaqqaasiummik pikkorissartitsinerit, annertunerusumik Nunarsuarmi anguniakkanik-aallarnisaatinik ingerlatsisimapput aamma sivisunerusumik Nunarsuarmi anguniakkanik ilinniartitsisimallutik, CSR aamma piujuartitsineq suliffeqarfinnik aaqqissuussanillu assigiinngiiaartunik soqutiginnilersitsisimavoq.
Ataatsimut inuit 50-it sinnerlugit sungiusarnermik naammassinnissimapput, aamma soqutiginninneq suli annertusiartorpoq – minnerunngitsumik Kalaallit Nunaanni aammattaaq sammisap ukkatarigaluttuinnarneqarneranit. CSR Greenland aammattaaq siunissami qaninnerusumi suliffeqarfinnut aaqqissuussanullu ilinnarnissanut arlalinnik neqerooruteqassaaq, ilaallutik ukiaru Nunarsuarmi anguniakkanik-aallarnisaatinik nutaanik ingerlatsinerit.
Attavissaq: csr@csr.gl