@plastic not so fantastic ilisimasanik avitseqateqarpoq aamma isumatuumik plastikimik atuinerup killilernissaanut aaqqiissutinik

Sammisaqaqatigiit, @plastic not so fantastic Kalaallit Nunaanni plastikimik atuinermut killiliinissamik suli arlalinnik soqutiginnilersitsipput. 

Septembari 2019-imi sammisaqaqatigiit @plastic not so fantastic Nunat Avannarliit Ataatsimiisitaliaasa Avatangiisinut nersornaataannut innersuunneqarput. Naak nersornaat avatangiisinut ilungersuussisumut svenskimut Greta Thunbergimut ingerlagaluartoq, innersuunneqarneq Kalaallit Nunaanni avatangiisimut sammisat iluanni suliniutinik ukkataqartitseqataavoq. Ullumikkut sammisaqaqatigiit Facebookikkut quppernera 4000-it sinnerlugit ilaasortaqarpoq, taakku ingerlassanik, suliniutinik isumassarsiaalluartunik inernernik avitsisarput, tamarmik plastikimik atuinermik killileeqataasunik. Facebookomi sammisaqaqatigiit pillugit ima allassimasoqarpoq: ”Angerlarsimaffitsinni plastiki peertigit, aamma immitsinnut sunik allanik atuisinnaanersugut isumassarsiatsialannik tuniseqatigiitta.”. Ingerlassat aamma sammisaqaqatigiit taakku tassaapput atuinitsinnik ilutsinik ullormut eqqartugassiisut, avatangiisitsinnik eriaginninnissatsinnut.