AVANNAATA KOMMUNIANI PIUJUARTITSISUMIK INERIARTORTITSINERMUT ANINGAASALIISSUTIT

Avannaata Kommunia FN-ip nunarsuarmioqatigiinni anguniagassiissutaannut iluaqutaasunik piujuartitsinermik suliniutinut tapersiisussanik aningaasaliissutiliorpoq.

Avannaata Kommuniata kommunip nutaamik anguniagaanut atatillugu piffinni inuiaqatigiit akuutillugillu suliaqartinnissaat kissaatigaa: ’Ataatsimoorluta piujuartitsisumik ineriartortitsisa’. Aningaasaliissutit innuttaasunit, peqatigiiffinnit, ilinniarfinnit suliffeqarfinnit isumaginninnermut tunngasunik suliniuteqartunit qinnuteqarfigineqarsinnaapput. Tapiisutit suliniutinut, sulianut sammisaqartitsinernullu innuttaasunut tamanut iluaqutaasussanik siunertaqartunut atugassanngortinneqarsinnaapput. Tapiissuteqarfigineqarnissami suliniutit FN-ip nunarsuarmioqatigiinnut anguniagassarititaasa ilaasa ataatsip arlallilluunniit anguneqarnissaannut ilapittuisuussapput.

“Kommunemit tamarmit qinnuteqaatinik tigusaqarnissarput qilanaareqaarput pissangallutalu inuit isumassarsiaasa takunissaannut. FN-ip Nunarsuarmioqatigiinnut anguniagassiissutai avatangiisinut tunngallutillu, aamma assersuutigalugu nukissiutinik mingutsitsinngitsunik, atoqqiinernik imaqarput, aammali sumiiffimmi inuussutissatigut piujuaannartitsineq atorlugu aqutsinikkut, aammalu inooqatigiinnermut tunngasutigut, soorlu assersuutigalugu ilinniartitaanikkut, naligiissitaanikkut peqqissutsikkullu attuumassuteqartunut. Taamaattumik periarfissaqarpoq suliniutinut assigiinngitsorpassuarnut qinnuteqartoqarsinnaavoq sumiiffinni inuiaqatigiinnik, pinngortitarsuatsinnik avatangiisitsinnillu nukittorsaaniutinut”, taama suliniummik piujuaan-nartitsinissamut immikkoortoqarfimmi aqutsisoq Maria Blichfeldt Petersen oqarpoq.

Videomut qallunaatut ataatigut allagartalersukkamut linki.

Videomut kalaallisut ataatigut allagartalersukkamut linki.

Qinnuteqarfissaq 1. majimit 1. junimut 2021 ingerlavoq.

Qinnuteqarnissamut paasissutissat uani atuarneqarsinnaapput: www.avannaata.gl/baeredygtighed

Apeqqutinut tunngatillugu aamma sukumiinerusunik paasissutissanut tunngatillugu attavigineqarsinnaavoq:

Suliniutinik aqutsisoq Maria Blichfeldt Petersen

E-mail: mabp@avannaata.gl

Tlf.: (+299) 38 75 63