Brugsenimeersunik avatangiisimut iluaqutaasunik plastikinik puussianut taartissat

Brugseni plastikimik puussiamit allaanerusumik ussittunik aamma atoqqinneqarsinnaasunik annoraaminermik puussianik silaannarmut pitsaanerusumik neqerooruteqarpoq.

Maannakkut ajornannginnerulersimavoq Brugsenimi avatangiisimut iluarnerusumik toqqaanissaq, piuikkanut assartuinissaq eqqarsaatigalugu. Avatangiisimut pitsaanerusumik plastikimi puussiap saniatigut niuertarfik pisiniarfinni tamani arlalinnik ilusilinnik ussittunik annoraaminernik puussianik nutaanut ikaarsaarsimavoq..

– Atuisutsinnut suli amerlanerusunik toqqagassanik periarfissanik pilersitsinissarput kissaatigaarput, taamaalilltik atoruminarnerusunik pisiniarfitsinnit tunisassianik angerlaassisinnaaniassammata. Ataatsikkut pimoorussisumik kissaatigaarput avatagniisitsinnik pilersitsinikkut eriaginnitsitseqataanissarput, annertunerusumik atueqqinnissamut aamma annikinnerusumik plastikinik atuinissarput soqutiginarnerulersillugu. Tamanna peqqutigalugu nutaanik annoraaminernik puussianik ilusilersuisimavugut, nassaruminarnerusunik, taama niueqatigiinnermi aamma attaveqaqatigiinnermi pisortaq Benny Reffeldt Otte oqaaseqarpoq.

Annoraaminermik puussiat nutaamik ilusilersukkat taamaalillutik ajornannginnerusumik tuermiorineqarsinnaapput, assaat illuttut atunnginniassammata. Annoraaminermik puussiat inikittunnguupput aamma peqiterneqarsinnaallutik kaasarfimmut ikineqarlutik, taamaalillutik ulapiffimmi tigujuminarlutik. Ninngusuumik atortorissaarummik sanaajupput atoqqinneqarsinnaajuaannarlutik.