Nukissiuumut tatiginartumut, piujuartitsisumut nutaaliaasumullu unamminartumik akeqartumut kikkut tamarmik periarfissaqarnerisa qulakkeerneqarnerat.

Kikkut tamarmik naligiimmik nukissiuutinut pilersuutinut tatiginartunut, nutaaliaasunut, piujuartitsisunut aamma ikummatissanik minguitsunik atuinikkut ingerlasunut periarfissaqassapput. Nukissiuutit pitsaassusaat pitsanngorsarneqassapput aamma sammisamut teknologii ilisimatusarneq aqqutigalugu annertusisinneqassaaq.

Kalaallit Nunaat annertuumik erngup nukinganik nukissiuuteqarnermut ilippanaateqarpoq, siunissami ilaatigut anorimik seqinermillu nukissiuuteqarneq ilagalugit, innuttaasunut tamanut inuussutissarsiortunullu akikitsumik minguitsumillu pilersuinernut periarfissanngortitsisut.

Naalakkersuisut nukissiuuteqarneq pillugu angusaqarluarniartumik pilersaarummik saqqumiisimavoq, taakku siunissami tulleriiaarinernut suliniutinullu killiliisinnaapput. Annertuunik teknologiimik ineriartortitsinernut pitsaasumillu nukissiuuteqarnissamut suliniutinik pisariaqartitsivoq, soorunami inuiaqatigiit ineriartornerinut allanut naleqquttussaallutik aamma allanut sammisanut tulleriiaarinernut.

Inuiaqatigiit ingerlalluassappata aamma minnerunngitsumik ineriartussappata, ilaatigut pisortaqarfinnit nukissiuutitigut aamma imermik pilersuinerit ingerlalluartariaqarput. Ingerlalluarneq ima paasisassaavoq, tatiginassuseq, periarfissaq, avatangiisinut eriaginninneq aamma tamanut aningaasaqarnikkut innuttaasunut, inuussutissarsiortunut assinganillu pisortaqarfinnut iluaqutaasut.

Nunarsuaq tamakkerlugu, nungusaataanngitsumik nukissiuuteqarnermut inernerit akikilliartortut, tatiginartut aamma ullut tamaasa pitsaalluinnartut ineriartortinneqarnerat ingerlavoq. Maannakkut ikummatsissanik nunap iluaneersunik pisariaqartitsinerput nunarsuatsinnut iluaqutaanngilaq akornutaallunili, taamaammat nukissiuuteqarnerput allanngortittariaqarparput. Nutaanik nukissiuusiat taakku piaarnerpaamik periarfissarsiuuttariaqarpagut atortuulersinnissaat, silap pissusiata allanngoriartornera uagut inuunitsinnut annerpaamik navianartorsiortitsinera pinaveersaartissagutsigu.

Kisitsisinnguineq

Una takussutissiaavoq anguniakkani ullumikkut uuttuutigineqarsinnaasut. Kalaallit Nunaata Naatsorsueqqissaartarfiata nittartakkamini SDG 2030 tunngassutillit saqqummersikkumaarpai, kisitsisit naatsorsukkat suliami anguniakkani tulluussakkat.

Inaarutaasumik nukimmik atuinertut, nukissap ataavartup tamarmiusumi annertussusia
Najoqqutaq: Grønlands Statistik

2013 (16 %)
2014 (17 %)
2015 (18 %)
2016 (17 %)

Nunarsuaq tamakkerlugu suussusersiutit (7.2.1) Inaarutaasumik nukimmik atuinertut, nukissap ataavartup tamarmiusumi annertussusia

Nutaarsiassat

Ilisarnaatinik aallerit, nutaarsiassanik atuarit aamma pisussanik nassaarit.

Saqqummiunneqarpoq septembarip 18-at, 2020

Suussusersiutinik ineriartortitsineq pillugu Danmarks Statistik-imik suleqateqarneq

Danmarks Statistik-ip SDG-mik suussusersiutit aamma kisitsisinnguinerit pillugit ineriartortitsinermut Kalaallit Nunaat siunnersuinikkut aamma ilitsersuinikkut ikiuivoq.

Atuaqqigit

Saqqummiunneqarpoq septembarip 18-at, 2020

Nunamut immikkoortortaqarfinnut pilersaarutit nunarsuarmi anguniakkanut ataqatigiissarneqassapput

nunamut immikkoortortaqarfinnut pilersaarutinik suliaqarnermut SDG 2030 agenda atortuulersinneqassaaq.

Atuaqqigit

Saqqummiunneqarpoq septembarip 18-at, 2020

Naalakkersuisunut nunat assigiinngitsut akornanni geodatamut nersornaat

Nunamut Tamarmut Geodatanut Periusissiaq 2018 – 2021 geodatamik periusissiaqarluni sulinermut aamma piujuartitsisumik inuiaqatiginnik ineriartortitsinermut Naalakkersusut periusissiaat.…

Atuaqqigit

Anguniagassat ilaat

Nunarsuarmi anguniakkat ataasiakkaarlutik periusissianik tigussaasunik arlalinnik iluminni ilaatigut immikkoortortaqarput. Nunarsuarmi anguniagaq 5 immikkoortortaqarpoq.

Agguaruk Ilisarnaqut aaguk

Anguniagassat ilaat 7.1 – Kikkut tamarmik nukissiuummut nutaaliamut periarfissinneqarlik

Agguaruk Ilisarnaqut aaguk

2030 sioqqullugu nukissiuummut tatiginartumut, piujuartitsisumut nutaaliaasumullu unamminartumik akeqartumut tamarmik periarfissaqarnerat qulakkeerneqassaaq.

Agguaruk Ilisarnaqut aaguk

Anguniagassat ilaat 7.2 – Nunarsuarmi nukissiuut ataavartup agguarnera annertusili

Agguaruk Ilisarnaqut aaguk

2030 sioqqullugu nunarsuaq tamakkerlugu nukissiuutini akuleriinni nukissamik ataavartussamik atuineq malunnartumik annertusineqassaaq.

Agguaruk Ilisarnaqut aaguk

Anguniagassat ilaat 7.3 – Nukissiuummik atorluaaneq marloriaatinngorli

Agguaruk Ilisarnaqut aaguk

2030 sioqqullugu nukissiuummik atorluaanissamik pitsanngorsaanerup nunarsuarmi sukkassusia marloriaatinngortinneqassaaq.

Agguaruk Ilisarnaqut aaguk

Anguniagassat ilaat 7.a – Nukissiuut minguitsumut ilisimatusarnissaq, atortorissaaruteqarnissaq aamma aningaasaliinissaq pitsanngorsarneqarlik

Agguaruk Ilisarnaqut aaguk

2030 sioqqullugu nukissiuummut atortorissaarutinillu eqqiluitsuni ilisimatusarnissamut periarfissaq ajornannginnerulersinniarlugu nunani tamalaani suleqatigiinneq nukittorsarneqassaaq, tassunga ilanngullugu nukissiuutit ataavartut, nukissiuummik atorluaaneq aamma ikummatissat nunat iluaneersut nutaaliaasumik minguinnerusumillu atortorissaarutit, aamma nukissiuutitigut attaveqaatini minguitsumillu atortorissaarutini aningaasaliinerit siuarsarniarlugit.

Agguaruk Ilisarnaqut aaguk

Anguniagassat ilaat 7.b – Nunani siuarsarniakkani ataqatigiinnermut aaqqissuussineq annertusarneqarli aamma pitsanngorsarneqarli nukissiuummik piujuartumik pissaqassammata

Agguaruk Ilisarnaqut aaguk

2030 sioqqullugu nunani siuarsarniakkani tamani nutaaliaasumik piujuartitsisumillu nukimmik pilersuisoqarsinnaanngortillugu attaveqaatit annertusineqarsimassapput atortorissaarutillu pitsaaninngortinneqarsimallutik, pingaartumik nunani annikinnerpaamik siuarsarneqarsimasuni, qeqertaaqqani ineriartorfiusuni naalagaaffinni aamma immamut periarfissaqanngitsunut nunani ineriartorfiusuni, taakku tapersersuinissamut suliniutaat naapertorlugit.