Suiaassutsit akornanni naligiissitaaneq aamma arnat niviarsiaqqallu tamarmik pisinnaatitaaffiisa periarfissaasalu nukittorsarnerat.

Politikkikkut, inatsisitigut aamma paasissutissanut teknologii aqqutigalugit siuaassutsit naligiissitaanerat atuutsinneqassapput siuarsarneqarlutillu, taamaalilluni angerlarsimaffinni aamma sumiluunniit persuttaaneq, atornerluineq aamma tiinngaviginninniarnerit annikillisillugit. Angerlarsimaffimmi sulinerit akuerineqassapput aamma arnat aqutsinermik atorfillit politikkerillu amerlineqassapput. Assinganik pinngitsaalisamik katititsinerit nungutinneqassapput aamma assigiimmik kinguaassiuutitigut kinguaassiornernullu peqqissutsimut ilaqutariinnermullu pilersaarutinik periarfissiissapput.

Inuttut pisinnaatitaaffimmut aamma tunngaviusumik kiffaanngissuseqarnermut ataqqinninneq, Kalaallit naalakkersueqataanerannut tunngaviliisut ilagaat. Arnanut meeqqanullu persuttaanerit kinguaassiuutitigullu innarliinerit ajoraluartumik annertuumik unammillernarput, inunnut inuiaqatigiillu aningaasaqarnerannut annertuumik kinguneqarlutik.

Siuaassutsit naligiissitaaneraq ullumikkut inuiaqatigiinni pisariaqarpoq, inunnik tamanik naleqartitsinermik isiginninnermik naatsorsuuteqartut. Arnat angutilluunniit suiaassutsit peqqutaallutik naqisimaneqassannillat, kisianni illuanik naligiimmik peqqissutsimut, ikorfartuutinut, ilinniarnernut, suliffeqarnernut il.il. periarfissanik aamma pisinnaaffinnik neqeroorfigineqarlutik. Maani nunatsinni naligiinneq pillugu apeqqutit oqallisaasullu sumiluunniit allanisut soqutiginaateqarput.

Kinguaassutsikkut assigiinngisitsineq inuiaqatigiinnitsinnut ajortisaataavoq aamma tamatsinnut nalikillisitsisoq. Inuit pisinnaatsitaaffiinut kisimi tunnganngilaq; nunarsuarmi inuiaqataasut piginnaasaannik annertuumik annikilliliinerusoq. Arnat naleqqataanissaannik itigartikkaanni inuiaqatigiit affai inuunermik tamakkiisumik peqataanissaannut periarfissaannik itigartitsineruvoq. Politikikkut, aningaasaqarnikkut aamma inuiaqatigiinni arnanik naleqqatigiissitsineq nunarsuarmi inuiaqatigiinnut tamanut iluaqutaassaaq. Ataatsimoorluta isummanut pigiliussat nungutissinnaavagut aamma naleqqatigiinnermut tamanullu ataqqinnissusermik anguniagaqarluta.

Kisitsisinnguineq

Una takussutissiaavoq anguniakkani ullumikkut uuttuutigineqarsinnaasut. Kalaallit Nunaata Naatsorsueqqissaartarfiata nittartakkamini SDG 2030 tunngassutillit saqqummersikkumaarpai, kisitsisit naatsorsukkat suliami anguniakkani tulluussakkat.

Ilinniarsimanermut qaffasissutsit, suiaassutsinut agguarlugit
Najoqqutaq: SIF (2019) Befolkningsundersøgelsen i Grønland 2018. Levevilkår, livsstil og helbred

  1. Ilinniagaqanngitsut (50,5 %)
  2. Naatsumik ingerlaqqiffissamik ilinniakkat (33,5 %)
  3. Akunnattumik imaluunniit annertuumik ilinniaqqiffissamik ilinniakkat (16 %)
50,5 %33,5 %16 %

Inatsisartuni innuttaasunit qinikkat suiaassutsinut agguarneri
Najoqqutaq: Nordic Statistics (table ELE03)

  1. Angutit (55 %)
  2. Arnat (45 %)
55 %45 %

Nunarsuaq tamakkerlugu suussusersiutit (5.5.1) Nunani inatsisartuni kiisalu kommunini nunallu immikkoortuini siunnersuisoqatigiinni arnat peqataasut amerlassusiat

Nutaarsiassat

Ilisarnaatinik aallerit, nutaarsiassanik atuarit aamma pisussanik nassaarit.

Anguniagassat ilaat

Nunarsuarmi anguniakkat ataasiakkaarlutik periusissianik tigussaasunik arlalinnik iluminni ilaatigut immikkoortortaqarput. Nunarsuarmi anguniagaq 9 immikkoortortaqarpoq.

Anguniagassat ilaat 5.1 – Arnanik niviarsiaqqanillu immikkoortitsinerit tamarmik unitsillik

Arnanik niviarsiaqqanillu tamanik immikkoortitsinerit tamarmik sumiluunniit unitsinneqassapput.

Anguniagassat ilaat 5.2 – Arnanut niviarsiaqqanullu persuttaanerit atornerluinerillu unitsillik

Tamanut ammasumi angerlarsimaffinnilu arnanut niviarsiaqqanullu persuttaanerit suulluunniit tamarmik unitsinneqassapput, tassunga ilanngullugit inunnik atoqatigiinnikkullu niuerneq allatigullu atornerluinerit tamarmik unitsillugit.

Anguniagassat ilaat 5.3 – Pinngitsaaliissummik katisitsineq arnallu kipineqartarnerat unitsillik

Ileqqut ajoqusiisinnaasut tamarmik soorlu meeqqanik aappaqalersarnerit, siusissukkut aappariilersarneq pinngitsaaliinikkullu aappariilersarnerit kiisalu arnat kipineqartarnerat unitsinneqassapput.

Anguniagassat ilaat 5.4 – Angerlarsimaffimmi isumaginninneq akissarsiaqanngitsoq nersorneqarli, angerlasimaffimmilu akisussaaffik avinneqarluni

Angerlasimaffimmi isumaginninneq sulinerlu akissarsiaqanngitsoq nersorneqassapput pisortallu kiffartuussinerisa, attaveqaatit aamma isumaginninnikkut illersuinermut politikkit pissarsiarinerisigut pingaartinneqarlutik kiisalu angerlarsimaffimmi ilaqutariinnilu akisussaanerup avinneqarnerata nunami tulluartutut siuarsarneqassapput.

Anguniagassat ilaat 5.5 – Arnat aqutsinermi aalajangiiniarnermilu akuunissaat isumannaarneqarli

Politikkip, aningaasaqarnerup tamanullu ammasumik inuunerup iluani aalajangiisarnerni tamani aqutsisutut tamakkiisumik kinguneqarluartumillu peqataanerup assigiimmillu periarfissaqarnermik arnat qulakkeerunneqassapput.

Anguniagassat ilaat 5.6 – Kikkut tamarmik atoqatigiinnermi kinguaassiornermilu peqqissutsimut pisinnaatitaanermullu periarfissinneqarlik

Atoqatigiinnikkut kinguaassiorsinnaassutsikkullu peqqinnissamut tamatigut periarfissaqarneq aamma iliuuseqarnissamut suliniummut naapertuuttumik kinguaassiorsinnaassutsikkut pisinnaatitaaffiit qulakkeerneqassapput Innuttaasut Ineriartornerlu pillugit nunat tamalaat ataatsimeersuarnerat kiisalu Iliuuseqarnissamut Beijingimi pilersaarut taassumalu malitsigisaanik ataatsimeersuarnerniit inaarutaasumik allagaatit.

Anguniagassat ilaat 5.a – Naligiimmik aningaasaqarnikkut pisuussutinut piginnittuunermullu pisinnaatitaasoqarli

Nunani tamalaani inatsisit naapertorlugit aningaasaqarnikkut isumalluutinut arnat naligiimmik pisinnaatitaaffiliisunik kiisalu nunamik allatigullu illunut piginnittuunermut nakkutilliinermillu, aningaasatigut kiffartuussinernut, kingornussanut pinngortitamilu isumalluutinut piginnittuulernissamut nakkutilliinissamullu periarfissiisunik.

Anguniagassat ilaat 5.b – Arnat pisinnaatitaaffii aamma periarfissai atortorissaarutitigut pitsanngorsarneqarlik

Atortorissaarutit iluaqutitut atorneqarnerat, pingaartumik paasissutissiinermi attaveqatigiinnermilu atortorissaarutit, arnat pisinnaatitaaffii periarfissaalu tapersersorniarlugit pitsangorsarneqassapput.

Anguniagassat ilaat 5.c – Inatsimik suiaat akornanni naligiinnermi siuarsaasumik akuersisoqarli

Politikit inatsisillu tunngavilersorluakkat eqqortinneqarsinnaasut, aamma suiaassutsit akornanni naligiissitsinermik siuarsaasut aamma arnat niviarsiaqqallu tamarmik pisinnaatitaaffiinik periarfissaanillu sutigut tamatigut nukittorsaasut, akuerineqarlutillu nukittorsarneqassapput.