Kaanneq akiorlugu, inuussutissalerinermi isumannaallisaanermik qulakkeerinninneq, inuussutissanik peqqinnarnerusunik tunisassiorneq taamatuttaaq piujuaannartitsineq tunngavigalugu nunaateqarneq.

Anguniakkap sammisaraa kaannersuup aamma inunni tamani kukkusumik nerisaqarnerit suulluunniit tamarmik nungutinnissaat. Nerisassanik tunisassiornerit qaffanneqassapput aamma immikkut nunalerinermut immikkoortortaqarfik initunerussaaq akilersinnaallunilu – aammattaaq annikitsumik tunisassiornernut, nunap inoqqaavinut aalisakkerinernullu. Nungusaataannginnerusumik nerisassanik tunisassiorneq qulakkeerneqassaaq, silap pissusiata allangoriartorneranut naleqqussakkamik aamma uumassusillit assigiinngisitaarnerat piujuartillugit.

Ukiut kingulliit 100-t iluannit kalaallit sumiiffinni pisanik nerisarisaat annikilliartorsimavoq aamma nioqqutissanik eqqussanik nerisarisaat annertusiartorluni.

Kalaallit Nunaata imartaa suli pingaarnertut nerisassanik pequusiviuvoq, nunap inuttaanik sumiiffinni piniartunit pilersuisoq. Kalaallit Nunaata kujataani illugiimmik nunalerineq, savaateqarneq aamma naatitassanik misileraaneq, silap pissusianut aamma avatangiisimut tulluarnerpaaq ingerlanneqarput. Imaata inuussutissartaanik imminut pilersorneq suli annertoqimmat, nunami kaannerit aamma nerisassaqarnermut isumannaarinninnerit annertussusaat missingersussallugit ajornakusoorpoq. Tamanna isumaqanngilaq, innuttaasut akornanni kaanneq sammissallugu maannakkut soqutiginanngitsoq aamma attuumassuteqanngitsoq. Naamivik.

Nunarsuaq tamakkerlugu kaanneq suli inunnit amerlanernit toqqutaasarpoq. Nunarsutta annertuumik isumalluutinik tuniorarpaatigut, kisianni naleqqatigiinngitsumik aamma pitsaanngitsumik isumalluutinik passussineq inunnik inuussutissakitsunik millioninik kalitaqarpoq. Piujuartitsisumik nutaalianik teknologinik nunalerineq aamma assartuinermut aaqqissuussilluarnerit siuarsaraanni, nunarsuarmi inuiaat tamakkerlugit nerisassaqartissinnaavagut aamma siunissami kaattoqaqqinnginnissaa isumannaarlugu.

Kisitsisinnguineq

Una takussutissiaavoq anguniakkani ullumikkut uuttuutigineqarsinnaasut. Kalaallit Nunaata Naatsorsueqqissaartarfiata nittartakkamini SDG 2030 tunngassutillit saqqummersikkumaarpai, kisitsisit naatsorsukkat suliami anguniakkani tulluussakkat.

Narsaatit annertussusaat (hektari) immikkoortunut agguarlugit (Suli periarfissaanngilaq piujuartitsisumik nunalerineq naggasiiffigissallugu)
Najoqqutaq: Grønlands Statistik

  1. Nanortalik
  2. Qaqortoq
  3. Narsaq
  4. Paamiut
  5. Nuuk
010020030040050060070080020152016201720182019

Nunarsuaq tamakkerlugu suussusersiutit (2.4.1) Nunalerinermik ingerlataqarnerit tunisassiortut aamma piujuaannartitsisumik nunalerinermi tunisassiorfiusut amerlassusaat.

Nunalerinermut, orpippassualerinermut, aalisarnermut piniarnermullu pisortat aningaasartuutaanni naleqqersuut
Najoqqutaq: Grønlands Statistik

  1. Naasorissaaneq, orpippassualerineq, aalisarneq piniarnerlu
5060708090100110120130201020112012201320142015201620172018

Nunarsuaq tamakkerlugu suussusersiutit (2.a.1) Pisortat aningaasartuutaanni nunalerinermi naleqqersuut

Nutaarsiassat

Ilisarnaatinik aallerit, nutaarsiassanik atuarit aamma pisussanik nassaarit.

Anguniagassat ilaat

Nunarsuarmi anguniakkat ataasiakkaarlutik periusissianik tigussaasunik arlalinnik iluminni ilaatigut immikkoortortaqarput. Nunarsuarmi anguniagaq 7 immikkoortortaqarpoq.

Anguniagassat ilaat 2.1 – Kikkut tamarmik peqqinnartumik nerisassaqassapput

2030 sioqqullugu kaanneq nungutinneqareersimassaaq, inuillu tamarmik - pingaartumik piitsut sanngiinnerpaallu, tassunga ilanngullugit meeraaqqat - ukioq kaajallallugu nerisassanut isumannaatsunut, inuussutissaqarluartunik naammattunillu pisissaanerat qulakkeerneqassaaq.

Anguniagassat ilaat 2.2 – Nerisarlunneq pinaveersaarneqarli

2030 sioqqullugu peqqinnanngitsumik nerisaqarnerit suulluunniit tamarmik nungussimassapput, tassunga ilanngullugit meeqqani tallimat inorlugit ukiulinni alliartornermut akimmisaarutit sanigorsimanerillu pillugit nunani tamalaani anguniakkat ilai isumaqatigiissutaasut 2025 sioqqullugu anguneqarsimassallutik, niviarsiaqqanilu inuusuttuni, naartusuni milutsitsisunilu kiisalu utoqqarni inuussutissatigut pisariaqartitsineq aqunneqassalluni.

Anguniagassat ilaat 2.3 – Annikitsumik inuussutissanik tunisassiorneq marloriaatinngorli

2030 sioqqullugu inuussutissanik tunisassiortunut annikitsunut nunalerinermi tunisassiorsinnaassuseq isertitallu marloriaatinngorsimassapput, pingaartumik arnanut, nunat inoqqaavinut, ilaqutariit nunalerinerannut, uumasuutinut aalisartunullu, tamanna nunamut isumannaakkamut assigiimmillu periarfissaasoq, tunisassiornermi isumalluutit pilersuinerillu allat, ilisimasat, aningaasatigut kiffartuussinerit, niuerfiit, naleqarnerulersitsinissamut periarfissat, kiisalu nunalerinerup avataani sulisoqarneq aqqutigalugit.

Anguniagassat ilaat 2.4 – Inuussutissanik tunisassiorneq piujuaannarnerulerli

2030 sioqqullugu nungusaataanngitsumik tunisassioriaatsinik qulakkeerinnittoqassaaq nunalerinermilu suleriaatsit nungullajaatsut atulersinneqarlutik, naammassisaqarsinnaassutsimik tunisassiornermillu qaffaasut, pinngortitami ataqatigiinnernik allanngutsaaliuisut, silap pissusiata allanngoriartorneranut, ingasattumik silarlunnernut, panernersuaqarnermut, qarsutsinernullu ajunaarnersuarnullu allanut tulluarsarnissamut piginnaasanik nukittorsaasut aamma nunap nunallu pitsaassusaanik pitsanngorsaasut.

Anguniagassat ilaat 2.5 – Inuussutissanik tunisassiat sannami kingornuttagaat assigiinngissitaarnerat paarineqarli

2020 sioqqullugu karrit siaruartigassat, naasut naatinneqartartut, nunalerinermi kinguaassiortitsinerup uumasuuteqarnerullu kiisalu taakkununnga attuumassuteqartut uumasunut nujuartanut uumasoqarnikkut assigiinngisitaarneq allanngutsaaliorneqassaaq, tassunga ilanngullugit nunami, nunarsuup immikkoortuini nunanilu tamalaani karrit siaruartigassat isumatuumik aqunneqartut assigiinngisitaartullu aqqutigalugit, uumassuseqarnikkullu isumalluutinik atuinermut iluaqutinik tassungalu atasunik qangaaniilli ilisimasanut nunanit tamalaanit isumaqatigiissutigineqartunut periarfissaqarneq naligiimmillu agguaassineq siuarsarlugu.

Anguniagassat ilaat 2.a – Nunalerinermi attaveqaateqarnermut aamma ilisimatuutut misissuinermut aningaasaliisoqarli

Nunalerinermi attaveqaateqarneq, nunalerinermik ilisimatusarnermi siunnersortitullu kiffartuussinerni, atortorissaarutit ineriartortinnerini kiisalu naasut uumasuutillu uumassutsikkut kingornussassani toqqorsivinni aningaasaliinerit annertusineqassapput, nunani ineriartortitsiffiusuni nunalerinerup tunisassiorsinnaassusaa pitsaanerulersinniarlugu, pingaartumik nunani ineriartortitsiffiunnginnerpaasunini.

Anguniagassat ilaat 2.b – Nunalerinermi niuernikkut aamma tuniniaanikkut aporfiit pinaveersaarneqarlik

Nunarsuarmiut nunalerinermi niuerfiini niuernikkut aporfiit equngassutaasullu iluarsineqassapput pitsaaliorneqarlutillu, tassunga ilanngullugit nunalerinermut tamanullu avammut niuernermut tapiissutaasartut tamarmik atorunnaarsinnerisigut avammut niuernermi aaqqiinerit taamaaqataanik sunniuteqartut, Dohami ineriartortitsinermit piginnaatitsissut naapertorlugu.

Anguniagassat ilaat 2.c – Inuussutissat akii patajaallisinneqarlik aamma niuernermut paasissutissat pineqarsinnaanerulerlik

Inuussutissalerinermi niuerfiit taakkununngalu atasut niuerfiit torersumik ingerlanerinik qulakkeerinnittut suliniutit akuerineqassapput, aamma niuerfinni paasissutissanut piffissaagallartillugu periarfissiinermik qulakkeerinnittut, tassunga ilanngullugit inuussutissanik toqqorsiviit, taamaaliornikkut inuussutissat akiisigut annertuumik nikerartoqartarnera killilerlugu.